Xəbərlər

Azərbaycan Badminton Federasiyası (Badminton Azerbaijan) Badminton Dünya Federasiyası (BWF) tərəfindən Gender Bərabərliyi və Müxtəliflik Mükafatı ilə təltif olunub. Mükafat Danimarkanın Horsens şəhərində keçirilmiş BWF-in İllik Ümumi Yığıncağı çərçivəsində təqdim edilib. Bu mükafat 2022-ci ildən Bakı şəhərində yerləşən 4 saylı qadın cəzaçəkmə müəssisəsində Azərbaycan Respublikasının Ədliyyə Nazirliyinin Penitensiar Xidməti ilə sıx əməkdaşlıq çərçivəsində həyata keçirilən “İdman Həyatdır”təşəbbüsünün uğurlarını əks etdirir.

Bu gün Çinin Siamen şəhərində Dünya Badminton Federasiyasının (the Badminton World Federation – BWF ) 86-cı illik ümumi yığıncağı keçirilib. 143 ölkədən nümayəndə heyətinin qatıldığı iclasda Azərbaycan Badminton Federasiyasının nümayəndə heyəti də dəvət olunub. İllik yığıncaqda marketinq, kommunikasiya, maliyyə və sair komitələrin hesabatları dinlənilib. Çıxışlarda qeyd olunub ki, badminton idman növü dünyada uğur qazanmaqda davam edir. Belə ki, 2025-ci ildə yer kürəsində bu idman növünün pərəstişkarları (fan base) 744 milyon nəfər təşkil edir. 400 milyon insan badmintonla aktiv məşqul olur və hal-hazırda raketka ilə dünyada oynanılan ən məşhur idman növüdür. Sosial mediada isə BWF 17 milyon insan tərəfindən izlənilməklə yanaşı FIFA, FIBA ilə bərabər ən çox izlənilən 10 federasiyasından biridir. Tədbirdə 2025-2029-cu illər üçün BWF prezidenti və ali idarəedici orqanı sayılan Şuraya və eyni zamanda İcraiyyə Komitəsinə seçkilər keçirilib. Azərbaycan Badminton Federasiyasının Prezidenti Taleh Ziyadov 4 il müddətinə Avropa qitəsindən Şuraya üzv seçilib. BWF-in mövcud qaydalarına görə 20 yeni seçilmiş Şura üzvləri qurumun inkişaf strategiyası, komitə rəhbərlərini, daxili və xarici nizamnamə qaydalarını müəyyən edəcəklər. Tailand Badminton Federasiyasının prezidenti KhunyinqPatama Leesvadtrakul Dünya Badminton Federasiyasının Prezidenti seçilib. Qeyd edək ki, Azərbaycan Badminton Federasiyası son illərdə dünya reytinqində 85-ci yerdən 46-cı yerə yüksəlməyə müvəffəq olub və davamlı olaraq müxtəlif səviyyəli beynəlxalq badminton turnirlərinə ev sahibliyi edir. 2023-cü ildə Avropa Badminton Konfederasiyasının (BEC) konqresi Bakıda keçirilib. Azərbaycan Badminton Federasiyası sosial məsuliyyət çərçivəsində BWF ilə 2023-cü ildə imzalanan razılaşmaya əsasən Afrika ölkələrində badmintonun inkişafı və kütləviliyinə dəstək məqsədilə Botsvana, Cibuti, Kamerun, Qambiya və Madaqaskarın badminton qurumlarını raketka, volan və digər zəruri idman ləvazimatları ilə təchiz etmişdir.

16 mart tarixində badminton sevənlər arasında həyəcan dolu turnir keçirildi. Volan Badminton Klubunun təşkilatçılığı və Azərbaycan Badminton Federasiyasının dəstəyi ilə baş tutmuş möhtəşəm tədbir böyük maraqla qarşılandı.

Tədbirdə federasiyamızın məşqçiləri tərəfindən autizmli uşaqlara badmintonla bağlı ilkin məlumatlar verildi, oyun qaydaları öyrədildi. Ünsiyyət və hərəkət koordinasiyasını inkişaf etdirən badminton uşaqlar arasında böyük maraqla qarşılandı. Badminton hamı üçündür!

2 aprel TISA ilə əməkdaşlıq çərçivəsində məktəbin şagirdləri üçün ilk təlim keçirildi. İştirakçılar milli komandamız və məşqçilərdən texnika və strategiya mövzusunda əhəmiyyətli biliklər əldə etdilər. Belə təşəbbüslər şagirdlər arasında badminton və digər idman növlərinə olan marağı artırır, gələcəkdə yeni istedadların üzə çıxmasına zəmin yaradır!

Yarışda 40 oğlan və 23 qız olmaqla ümumilikdə 63 nəfər iştirak edib. Oğlanlar arasında şəxsi yarışların medalçıları Muxtar Bədəlov Murad Qarayev Rəsul Quliyev, Rəcəb Həsənov Qızlar arasında şəxsi yarışların medalçıları Mələk Təhmazlı Xədicə Manafova Ziba Məmmədli, Aidə Qurbanova Oğlanlar arasında qoşa yarışların medalçıları İbrahim Hüseynli və Muxtar Bədəlov Murad Qarayev və Səccad Allahverdiyev Murad İsmizadə və Rəcəb Həsənov Rəsul Quliyev və Ümid Kərimli Qızlar arasında qoşa yarışların medalçıları Aidə Qurbanova və Mələk Təhmazlı Aida Beqova və Xədicə Manafova Fidan Rəhimli və Ziba Məmmədli Mədinə Həsənova və Rəfiqə Hidayatova Qarışıq komandalar arasında yarışların medalçıları Rəsul Quliyev və Xədicə Manafova Muxtar Bədəlov və Aida Beqova Murad Qarayev və Aidə Qurbanova Səccad Allahverdiyev və Mələk Təhmazlı